Ganito Noon........Ano Ngayon?

         

          

           Napakalayo na ng ating panahon ngayon, nasa 21^st century na  tayo na kung saan maraming mga pagbabago na ating nararanasan. Isa na dito ang mga makabagong teknolohiya at pakikipaghalubilo sa ibang tao. Napakalaking tulong ng mga teknolohiya sa ating buhay sapagkat napapadali nito ang mga nais gawin. Halimbawa na lamang ng pakikipag-usap sa pamilya na malayo sa iyong lugar. Ginagamit ang teknolohiya gaya ng selfon, kompyuter at kapares nitoang internet connection. Hindi na kinakailangang pumunta pa sa ibang lugar upang puntahan at kamustahin ang iyong mahal sa buhay. Sapagkat, sa isang pindot lamang ng selfon na may internet connection o kompyuter tiyak makikita at magkakausap na kayo ng harap-harapan.

            

           Tulad noon, gaya nitong mga larawan isa itong lumang kompyuter na ginagamit sa paggawa ng mga dokumento at paghahatid ng mensahe sa nais padalhan. Hindi maipagkakaila na hindi pa masyadong high-tech ang kompyuter na ito at hindi pa upgraded. Ngunit malaking tulong din ito sa mga mamayang gumagamit nito. Kahit hindi pa nga masyadong high-tech ay gamit na gamit na ito. Ito nga ay isang makalumang kompyuter at na-face-out nasa panahong kasalukuyan. Hindi maipagkakaila na malaking tulong din ito noon dahil kung wala ang nakaraan walang mapagbabasihan ang mga kasalukuyan kung paano ito mas pagagandahin.

           

 Makikita din sa larawan ang kasalukuyang kompyuter ang iba tinatawag na Laptop, kung ang mga makalumang kompyuter ay palakihan ng likod ngunit sa kasalukuyan ay panipisan na ng likod. Gaya ng makikita, ito ang makabagong teknolohiya o kompyuter na ginagamit ngayon. Napakalaking tulong nito sa mamamayang gustong mapadali ang trabaho. Kung may gustong ipahatid na mensahe/liham, maipapadala gamit ang mga application gaya ng Facebook, Messenger, Instagram, Twitter at iba pa. Ang mga nabanggit na application ay isang uri ng software na makikita sa selfon o maging sa kompyuters. Hindi maipagkakailang halos napapadali na nito lahat. Dito rin, makikita ang mga nais at gustong malaman na mga impormasyon, gaya ng balita, mga kaganapang nangyayari sa lipunan at mga katanungang nais masagutan at malaman. Ang teknolohiya na ito ay mas pinaganda, pinabilis, at upgraded na. 

             Napakalaking tulong nito sa mga negosyante lalong lalo na sa mga transaction nila sa negosyo, sa mga mag-aaral na bibigyan din sila ng mga kaalaman o nadadagdagan ang kani-kanilang kaalaman, sa mga gustong makausap o makita ang mahal sa buhay ginagamit ang tinatawag na video call na kung saan kitang kita at nakakausap ng harap-harapan. Ngunit sa kabila ng lahat, dahil nga sa high-tech na ang panahon ngayon marami ng masasamang elemento na ginagamit o sinasakyan ang makabagong teknolohiya sa kasamaan. 

         Kung nais nating hindi mabiktima iwasan ang pagpapadala ng mga litratong hindi kinakailangan.  ang pagpost ng hindi kaaya-ayang larawan at dapat pigilan  ang sarili at huwag magpapadala sa nararamdaman. Dahil nga sa high-tech na, high-tech na rin mag-isip ang mga utak ng tao. Kung ano-ano na ang nagagawa at kung ano-ano na ang naiisip. Sa kabuuan, pinapatakbo na ang kasalukuyan ng teknolohiya o tinatawag na nito ang Panahon ng Robots.

                    Sa social relationship naman tayo, makikita sa larawan masayang nagtatawanan ang mga magkakaibigan o magpamilya. Na kung saan nagkikita at nagkakausap ng harap-harapan at kung saan may panahon na makipaghalubilo ng personal. 

           Noon mahalaga sa kanila ang magkakasama-sama dahil walang katumbas ang tunay napagkikita, pagsasama, at pag-uusap ng pamilya o magkakaibigan ng harap-harapan. Maging ang mga bata noon mahilig makipaglaro sa kapwa bata. Hindi sila gumagamit ng social media dahil nga sa hindi pa kilala ito noon. Kundi gumagamit sila ng papel na liham naipapadala sa kanilang gustong padalhan nito. At naglalaro ang mga kabataan noon ng mga larong pambata. Kung kinagisnang walang social media hanggang tatanda  tradisyunal na pagsasama.

           

             Sunod naman ang kasalukuyan, makikita sa larawan na halos babad na ang mga kabataan sa gadgets. Hindi na nila kinalakhan ang mga larong pambata, gaya ng patintero, luksong baka, habulan, langit at lupa, tagu-taguan, tumbang preso at iba pa. Naiimpluwensyahan na ang mga kabataan sa mga makabagong teknolohiya at tinatamad ng kumilos at halos ayaw ng tumayo sa kinauupuan. Naglalaro nang mine craft, candy crush, temple run, angry birds, clash of clans, mobile legends, rules of survival at iba pang laro na makakakuha ng atensyon ng mga kabataan. 

      Mapipigilan lamang ang pagiging babad ng mga kabataan sa gadgets kung mismo ang mga magulang ang mangungunana hindi pasobraan ang paggamit nito. Ang mga magulang ang magiging unang guro ng mga anak o kabataan maliban nalang kung ang mga magulang ang nangunguna sa paggamit ng gadgets. Dapat turuan ang mga kabataan ng tradisyunal na pakikipaghalubilo sa iba upang sa huli hindi sila magiging mahiyain. 

          Dumako naman tayo sa huli ang values noon at values ng kabataan ngayon. Noon kung uutusan ng mga magulang ang kanilang anak sa mga gawaing bahay o tutulungan sila ay agad sumusunod sa mga utos. Dahil hindi nito gustong mapagalitan o mapalo ng wala sa oras. Hindi kaya’y ayaw palalamunin kung hindi nito tutulong sa mga gawain. Napakaresponsable ng mga kabataan noon kapag may nakitang nakatatanda sa kanila ay nagmamano o hindi kaya’y humalik sa pisngi o di kaya’y bumabati bilang paggalang.

           

 Ngayon, ang mga kabataan nag-iba na ang pag-uugali, halos ayaw ng sumunod sa mga utos ng mga magulang. Tinitingnan lang at hinayaan samantalang nakaupo at nanonood ng telebisyon o di kaya’y naglalaro gamit ang gadget. Kung noon nagmamano at humahalik sa mga magulang, ngayon ay wala na at diretso sa silid matutulog o maglalaro.

            Napakalaki ng pinagbago ng panahon ngayon, napakarami na ng mga makabagong teknolohiya na nagsipaglabasan. Napapadali na nito ang buhay ng isang tao at hindi na mahihirapan sa paggawa. Madali na nga, ngunit halos inaasa na ng mga tao sa teknolohiya ang mga gawain. Sa hinaharap, hindi maitatanggi na mga robot na ang kikilos at ang mga tao ay aasa nalang at ayaw ng kumilos. 

            Hindi naman masamaang magkaroon ng mga high-tech na kagamitan o high-tech na panahon. Huwag lang nating kalimutan na tayong mga tao kinakailangan din na kumilos upang hindi maging malamya ang pangangatawan at kinakalingan din ito bilang ehersiyo ng kalusugan.